«Встреча» №3 (3), 1996
Молебный канон святителю Григорию Паламе, архиепископу Солунскому
(творение монаха Герасима Микранниата)
Тропарь, глас 6-й
Якоже иерарх Христов богоносный, и чтущих тя теплый заступник, чудотворче Григорие отче наш, избави молитвами от искушений нежданных, и страстей и скорбей, и всяких опасностей, притекающих верою неуклонною чудному предстательству твоему, святый.
Канон, глас 8-й
Песнь 1
Припев: Святителю отче наш Григорие, моли Бога о нас.
Богатным сияя просвещением, страстей мглу прогони от нас, твоими светоносными мольбами, чудотворче иерарше Григорие.
Нужды многоразличные и беды наидоша на мя, отче, по множеству грехов, ты же своим предстательством обдержащия мя скорей свободи.
Слава: Чудес источая дары, исцели, отче, немоществующа мя люте, и испроси согрешений мне разрешение у Господа, всеблаженне Григорие.
И ныне: Якоже рождшая, Отроковице, с плотию Бесплотное Слово, плоти моея лютыя уврачуй страсти, Богородице, и Покаяния светом мя озари.
Песнь 3
Недугов пламень росою твоея благодати угаси, и пролей всем здравие свыше души же и тела, притекающим верою ко святым мощем твоим, отче Григорие.
Возделати Божественным страхом благия семена подаждь нам разумение, отче, и божественную силу, яко да пожнем добродетелей, иерарше, клас спасительный тя чтуще.
Слава: Крепость подаждь и благодать и просвещение свыше всесвятей твоей главе верою прибегающим и отгони отчаяния бурю от нас, Григорие, якоже изрядно сострадальчествующий.
И ныне: Рождшая неизреченно всех Господа, спасающего от древния клятвы, Отроковице, человека, спаси мя молюся от вражия напасти и вечныя мя жизни сподоби.
Седален:
Сохрани архиерарше Григорие богоглаголиве, от всякня напасти и беды притекающих божественному твоему предстательству.
Песнь 4
Бдети укрепи Христовым законом нас, Григорие, яко да причастницы будем утешителева осияния.
Могнй избавити от противодушевных и телесных, Григорие, верою прибегающих ко святым мощем Твоим, блаженне.
Слава: Течение страстей осуши потоками, отче, яже в тебе благодати, и возведи, Григорие, течение нам божественныя благости.
И ныне: Умилостивление нам испроси, и сокрушений, Отроковице, исцеление и мир и свет свыше, омраченным, Мати Дево.
Песнь 5
Воззри на нас сострастия, Отче, оком, приходящих во святый твой храм и подаждь радость душам нашим. Укрепивыйся, мудре, противу ересей ярости и ныне утверди в догматах правых, сердца наша, святый Григорие.
Слава: великий помощник твоему стаду буди, Святый, и согрешений нам проси отпущение, и лучшую рддость, отче Григорие.
И ныне: Услыши наше моление, Всенепорочная, и разори советы злыя ищущих надшея, Отроковице, погибели.
Песнь 6
Мудростню божественною сияя, вражия на нас мудрования, и тяжкие и коварные козни, твоим ходатайством в конец разори, Григорие чудотворче, нам божественый мир прося.
Избавитися многоразличных приключений, и тяжких искушений и болезней, подаждь нам крепость, иерарше, якоже наш великий ходатай ко Господу, Солунский пастырь, богоглаголиве Григорие всемудре.
Слава: Будучи света исполнен Божественнаго, якоже Света трнсолнечнаго сиятель, ко свету заповедей Господних нас настави, яко таинник благодати, Григорие чудотворче, предстателя тя великого стяжавших.
И ныне: Спасителя и Благодетеля всех, превыше слова, Богородице, рождшая, от безсловесия страстей нечистых смиренное мое сердце избави, И спаси мя, яко благая, от горького владычества лукавнейшего.
Кондак, глас4-й:
Яко Спасителя слуга теплейший и православных предстатель и защита, неустанно моли, Григорие, нам даровати согрешений прощение, и всякия нужды избавление.
Песнь 7
Немоществующим крепость и страждущим, отче, нзбавленне и разрешение печали и всякия тяготы проси всегда, Святый, поклоняющимся верно гробу твоему святому.
Исцели боль страждующего сердца моего, Отче, Григорие и избави обдержания мя страстей нечистых и вразуми поюща: отцев наших Боже благословен еси.
Слава: Язык богодохновенный имея, яко мудрец благоглаголивый, отче Григорие, изложи и ныне в
нашем сердце умно учения, ведущия присно ко стези спасения.
И ныне: Из чрева Твоего святаго во образе смертнем в мире взыде н просия всем Солнце славы спасенне вечное, поклоняющимся, Чистая, неизреченному Твоему Рождеству.
Песнь 8
Жезлом твоим божественным на места злачна спасения, отче преподобне, приведи твое стадо песнословствующее тя добраго пастыря.
Свыше воззри на влдгочество предстоящих святей твоей иконе, иерарше, и всем подаждь благодатное благословение.
Слава: Тело твое, отче, священное стяжавший яко святыню град Солунь от него приемлет отеческую твою благодать.
И ныне: Исцели, Отроковице, немоществующую душу мою, и подаждь ми покаянне преискренее, яко да по конце узрю Твою славу.
Песнь 9
Превеликих дарований сподобившийся, великих болезней и скорбей избави нас, яко великий предстатель наш, Григорие.
Верою притекающие, Отче, ко храму твоему, отеческаго предстательства твоего да достигнем, яко да исполнимся божественныя благодати.
Слава: Вышняго сый слуга и Его Престолу предстоящий со славою, Григорие, присно поминай, Отче, воспевающих тя.
И ныне: Пречистая Марие, Благодатная, благодати божественныя мя исполни и спаси мя яко на Тя надежды моя имею, Владычице.
Молитва святителю Григорию Паламе, архиепископу Солунскому.
Всех православных наставниче и Церкви сияние, отче Григорие, всякаго обстояния нас избави, божественной иконе твоей препадающе верою, свобождая от навождения на нас вражия, ты бо помощник наш являешися и исполняешися и исполняеши присно прошения светло ублажающих тя, на всяко время моляся Трисиянной Троице, Ейже подобает велия слава, честь и поклонение Отцу и Сыну и Святому Духу, и ныне и присно и во веки веков. Аминь.
Если в нескольких словах попытаться определить, кем для нас является святитель Григорий Полома, то можно сказать следующим образом: это богослов опыта богообщения.
Как человек может быть причастен Богу, тварный Нетварному, грешный Святому? Это жизненный вопрос каждого христианина, желающего ответить любовью на Любовь, изливающуюся «во- вне» своими нетварными энергиями. Путь к Свету лежит, по Святителю, не через логическое и абстрактное мышление падшего человекам через кропотливый и терпеливый труд аскезы, исполненный многочисленных скорбей и опасностей, доколе не совлечется богоискатель «ветхого человека «облекаясь в богосиянное смирение.
Святитель Григорий Палама традиционно причисляется к сонму высочайших созерцательных Отцов — богословов, публикуемый же нами канон приближает нас к Святителю — подвижнику, борцу со страстями, строгому аскету, кроткому пастырю и милостивому духовнику. Стяжав великое дерзновение перед Богом своим правильным и богоугодным монашеским подвигом, он ныне своей молитвой пред престолом Господним руководит искренние души ко Христу, поучая их очищению сердца и ума любовью, воздержанием и непрестанной молитвой.